Bugungi kunda qurilish texnologiyalari binoning old qismiga zamonaviy koʻrinish berish va eng murakkab va chiroyli meʼmoriy yechimlarni roʻyobga chiqarish imkonini beradi. Oxirgi oʻn yillikda binolarning tashqi koʻrinishini bezash sifatida juda faol ishlatila boshlangan oyna keng ommaboplikka erishdi va dunyo meʼmorchiligida haqiqiy eʼtirofga sazovor boʻldi.

Ustunli-rigel tizimi

Dekorativ qopqoqlarning katta spektri boʻlgan bino old qismi ustunli-rigel tizimlari eng universal va oddiy sifatda keng tarqalishga ega boʻldi. Bino old qismi karkaslarini hosil qiluvchi vertikal va gorizontal elementlardan iborat boʻladi. Qo’shoynalar tashqaridan oʻrnatiladi va qisuvchi planka bilan qotirib qoʻyiladi. Shundan keyin qisuvchi plankalar 50-80 millimetrli koʻrinadigan kenglikdagi dekorativ qopqoqlar bilan yopiladi.

Strukturali oynalash

Ustunli-rigelli karkasning minimal tarzda koʻrinadigan qismi bilan toʻliq ideal ravishda silliq oynali yuzani yaratish ushbu tizimning gʻoyasi hisoblanadi. Ushbu konstruksiyada bino old qismining tashuvchi elementlariga qo’shoynani mahkamlash, shu bilan oynalash ortida karkasni toʻliq yashirgan holda,maxsus yelim yordamida amalga oshiriladi. Bu binoning ajoyib yengilligi va shaffofligi tasavvurini yaratadi. Strukturali binoning old qismlari, oddiy oynalashdan farqli oʻlaroq, oynaning tashqi yuzasida hech qanday qisuvchi plankalarga ega emas, shu tufayli ikki qoʻshni oynani faqat ingichka silikon chizigʻi ajratib turadi.

Ofis uchun zamonaviy yechim

Imzo BKF 2-48 tizimi ham ofis pardevorlari sifatida foydalanilishi mumkin. Ular maksimal tarzda yorugʻlik oʻtkazadi va osonlik bilan qismlarga ajratilishi va boshqa joyda qayta oʻrnatilishi mumikn. Oynalash sifatida 4-10 millimetrli oyna qoʻllaniladi. Bu ham oddiy oyna, ham zarbaga chidamli toblangan yoki tripleks qilingan oyna boʻlishi mumkin.